"Тэвнийн нүхээр тэмээ шургуулсан цайрахааргүй нүгэл" буюу оршлын оронд өгүүлэх нь -- Ерөнхий сайдын урилгагүй зочин -- Гэндэн ерөөсөө Данзантын сүнс юм байна -- Уяаны нохой болоо юу, чи -- Бүх цэргийн жанжин Дэмид -- Хар дансны эхлэл -- Шар хөвийн дөрөлжид -- Аминчхан уулзалт -- Маршал Ворошиловын өрөөнд -- Эргүү генерал -- Далд амьдрал -- Сонгинын аман дахь уулзалт -- Гэндэнгийн нүд цавчихыг ч ажих ёстой -- Нууц албаны нууц -- Хүүхэн зэвсэг -- Хөл минь хавханд орчихоод байна -- Сталины шүүлт /

1930-аад оны хэлмэгдүүлэлтийн учир шалтгаан, тухайн үеийн нам төрийн удирдагчид болох Гэндэн, Чойбалсан, Амар, Дэмид, Намсрай, Лувсаншарав, Малж нарын үзэл бодол, хоорондын зөрчил, Сталин ба түүний тойрон хүрээлэгчдийн Монголын талаар явуулсан бодлогын нөлөөг олон жилийн судалгаан дээр түшиглэн бичжээ. Энэхүү уран сайхны эсээ романд тухайн үеийн нийгмийн бүхий л давхаргыг гүнзгий хамруулсан бөгөөд хэлмэгдүүлэлт гэгч хичнээн аймшигтай юм байдгийг сэтгэл зүрхийг сэмэртэл дүрсэлжээ.
Зохиолч энэ тухайд хэлсэн нь: Зарим бүлгийг бичиж байхад гар салгалж, зүрх савлан удтал тайвширч чадахгүй нойр хулжиж байлаа хэмээсэн юм. “Зүүдэнд ч оромгүй явдал”, “Гэндэн ерөөсөө Данзантны сүнс юм байна, “Уяаны нохой болоо юу чи”, “Далд амьдрал”, “Бүх цэргийн жанжин Дэмид”, “Маршал Воршиловын өрөөнд”, “Хүүхэн зэвсэг”, “Амарыг зайлуулав” зэрэг бүлгүүдийн гарчгуудаас цухас хараад л унших сэтгэл төрөх аж.

Монгол Кирилл