Жендэрийн тэгш байдлын тухай хуульд зааснаар “бэлгийн дарамт” гэж бусдыг хүсээгүй байхад нь бэлгийн сэдлээ үг хэлээр, биеэр буюу өөр хэлбэрээр илэрхийлсэн, эсхүл хурьцал үйлдэхээс аргагүй байдалд оруулсан, мөн бэлгийн сэдлийн улмаас ажил, албан тушаал, эд материал, сэтгэл санааны болон бусад байдлаар хохироох үр дагавар бүхий тэвчишгүй орчин үүсгэх, айлган сүрдүүлэх, тулган шаардах зэрэг үйлдэл, эс үйлдэхүйг хэлнэ гэж тодорхойлсон.
Тус зөвлөмжид ажлын байрны бэлгийн дарамтын үндсэн ойлголт, төрөл, илрэх хэв шинж, цаашлаад урьдчилан сэргийлэх арга зам, тухайн асуудлаар холбоотой арга хэмжээг байгууллагын дотоод журамд хэрхэн тусгах талаар, мөн ажлын байрны бэлгийн дарамттай холбоотой гомдол, мэдээлэл гаргах хэлбэр, шаардлага хүлээн авч бүртгэх зэргийг дэлгэрэнгүй тайлбарласан болно.