Нөлөөгүй толь -- Шинэ цаг үе, шинэ хандлага, шинэ сэтгүүлзүй -- Олон нийтийн санаа бодол -- Төр засаг, улс төрийн PR -- Улс төрийн мэдээлэл ба сэтгүүлзүй -- Мэдээллийн нийгэм ба хэвлэлийн эрх чөлөөний асуудалд -- Орчин үеийн сонины дизайны чиг хандлага -- Реклам өвөрмөц мэдээлэл болох нь -- Бие хүний сэтгэлзүй ба реклам -- Хэрэглэгчдийн биологи болон нийгмийн шинж төлөв -- Нийгмийн бүлгийн үнэт зүйл -- Тэмдэгтийн тогтолцоо

“Утга зохиол судлал шинжлэл”-ийн 33 дугаар цувралаар МУИС-ийн багш, доктор (Ph.D) Б.Болд-Эрдэнэ “Сэтгүүл зүйн шинэ хандлага” номыг нийтэлж байна. Тэрбээр “Олон нийтийн харилцаа” (2017), “Нийгмийн харилцааны (PR) онол, практик” (2017), “Интернет сэтгүүл зүй” (2012), “Нийгэм. Интернет. Сэтгүүл зүй” (2017) зэрэг манай сэтгүүл зүйд шинээр орж ирж буй онол, практикийн асуудлыг хөндсөн бүтээлийг туурвисан билээ. Орчин үед мэдээлэл, харилцаа нь зүгээр нэг утга тэмдэгт, үйл, дамжуулал биш болжээ. Энэ нь нийгмийн өөрийгөө зохицуулах, аливааг бодитоор үнэлэн ойлгох үйл хөдөлгөөн юм. Түүний бүтээлүүд орчин үеийн техник, технологийн ачаар амьдралд маань орж ирж буй шинэ сэргэг бүхнийг ойлгож мэдэхэд, эргэцүүлэн бодоход ихэд тустай үйлийг түүчээлэн яваа юм.
Б.Болд-Эрдэнэ доктор нэгэнтээ “Бидний амьдрал хямрал зөрчил, тэмцэл, үгүйсгэл, ядуу хоосноор дүүрэн байгаа нь үнэн. Гэхдээ бид түүнийгээ хэлж ярьж, шүүмжилж бас тунгааж байгаагаараа, тийм эрх чөлөөтэй болсноороо аз хувьтай байгаа юм. Бас оюун мэдлэг, мэдээллийн хувьд ‘дэлхийн хүн’-ий зиндаанд хүрсэн маань нэгэн бахархал билээ” гэж өгүүлснийг дурдвал зохилтой. Сэтгүүл зүйг амьдралын нөлөөгүй толь гэж хэлж болмоор санагддаг юм