Хиртэлт романд анх цухасхан дүрслэгддэг Брий Таннерын энэ түүх болон шинэ цус сорогчдын аймшигт бараан ертөнц бүрэнхий цувралын хорхойтнуудын сэтгэлийг эзэмдэх нь гарцаагүй биз ээ. Дийлдэшгүй хүч, соргог мэдрэхүй, хариу үйлдэл үзүүлэх эгэлгүй чадвартай болохоос урьдах, цусанд хэзээ ч ханаж цадахгүй цус сорогчид хувирахаас өмнөх амьдралаа Брий бүдэг бадаг төдий санах ажээ. Брий, Диего хэмээх залуутай танилцаж, нөхөрлөнө. Тэдний хэн хэн нь нэрийг нь ч үл мэдэх, өөрсдийг нь бүтээгч тэр нэг эмэгтэйн талаар мэдэхийг хүсдэг. Улмаар шинэ төрөгсөд бол ердөө л шатрын хүү болохыг тэд ойлгож, хэнд итгэхээ шийдэхэд хүрнэ. Гэвч цус сорогчийн амьдрал худал ярих дээр тогтох тул үнэнийг хаанаас хайх билээ? Белла болон Каллены гэр бүлтэй тулалдахаар бэлтгэж, өөрсдийн үхэл рүү ойртож буй шинээр төрөгсдийн армийн тухай өгүүлэх, аюул, занал, нууцлаг үйл явдал, хайр дурлал сүлэлдсэн сэтгэл догдлом түүхийг Стефени Мэйер дэлгэж байна.