Энэ ном нь өнөө үеийн мэргэжлийн зурхайн бүхий л хууль дүрмүүдийг баримтлан хувь хүний төөрөг, зурлагыг практик дээр гүйцэтгэхэд ашиглах гарын авлага юм. Уг номонд зурхай судлалын тооцооны болон хүмүүсийн зан араншинг тодорхойлох, тэдний амьдралд тохиолдож болзошгүй үйл явдлыг урьдчилан харж төлгөлөх, хань ижлээ сонгох, тэдний хоорондын зохицлыг тодорхойлох аргуудыг өгүүлнэ. Ер нь хувь хүний төөргийг зурна гэдэг нь тухайн хүнд саар талаа хянаж зөөлрүүлэх, таагүй байдлаас тойрч гарах арга зам хайх, сайн талаа хөгжүүлэх боломж олгоно гэсэн үг юм. Үүнээс өөрөөр зурхайн ашиг тусыг ярих боломжгүй юм. Номонд гарах зурхайн арга, лавлагааны материалууд нь бүхэлдээ дэлхийн зурхайн 4000 гаруй жил оршин тогтнох хугацаандаа хуримтлуулсан бүх ололтыг орхигдуулалгүй авч үзсэн байна.