Монголчууд өнө эртнээс гэр бүлийг бат бэх байлгаж, үр хүүхдээ ёс заншлаа эрхэмлэн хүндэтгэдэг, өв тэгш өсгөвөл улс өөдрөг байна гэж үздэг байжээ. Тийм ч учраас гэр бүл ялангуяа эцэг, эх, хүүхэд цаашлаад хүмүүсийн хоорондын харилцааг онцгойлон үзэж ирсэн түүхтэй. Номын эхний бүлэгт харилцааны ёсноос суралцахад юуны өмнө суурь мэдлэг болгож Монголынхоо харилцааны уламжлалт ёсноос зайлшгүй мэдэх шаардлагатай гэж үзсэн асуудлуудыг оруулж, дараагийн бүлэгт харилцааны ёсны талаар суралцагсад онолын мэдлэг олохын зэрэгцээ энэ онол амьдрал дээр яаж, хэрхэн холбогдох, эдгээр нь олон орнуудад ямар онцлогтой байдаг, тэр нь тухайн үндэстнүүдийн сэтгэл зүйн онцлогтой нягт уялдсан, түүнийг харилцааны ёс журмын талаас нь жижиг гэлтгүй чухам юу юуг анхаарвал зүйтэйг мэдүүлэх зорилго тавьсан байна.