Гэр бүлийн хоёрын сайн сайхан харилцаа өөрөө аяндаа бий болчихдоггүй. Аливаа хайрын бөгөөд халуун дулаан харилцааг үүсгэн бий болгоход амин чухал үүрэгтэй, цаг хугацаагаар батлагдсан зарчмуудад тулгуурлаж л үүнийг бүтээн байгуулдаг. Та юмуу таны дотны нэг хүн гэрлэх гэж байгаа эсвэл гэрлээд хэдхэн сар юмуу олон жил болж байлаа ч ялгаагүй, өмнө нь хэвлүүлж байсан "Эрэгтэй нь үүнийг мэддэг байсансан бол", "Сайны төлөө юу, шилдгийн төлөө юу?" гэсэн нэртэй хоёр номын маань нэгтгэсэн хэлбэр болох эл номонд буй зарчмууд харилцаагаа бэхжүүлэх аргуудыг өдөр тутмын амьдралдаа бодитоор хэрэгжүүлдэг болоход тань туслана. Эрэгтэй нь үүнийг мэддэг байсансан бол гэсэн эхний хэсэг нь эрчүүдэд зориулагдсан. Эрчүүдийн хувьд эхнэрээ хайрлаж чадахгүй байх явдал олонтаа гардаг бөгөөд хань ижлээ хэрхэн хайрлахыг ойлгож мэдэж авах ёстой байдаг. Сайны төлөө юу, шилдгийн төлөө юу? хэмээх хоёр дахь хэсэг нь ханийн харилцаандаа эхнэрийн хэрэгжүүлэх зарчмуудыг авч хэлэлцэнэ.