Хагацашгүй хайрын эзэн чинь цус сорогч байна гэдэг зүүд шиг бас үхлийн хараал шиг бөгөөд энэ бүхэн Белла Своны хувьд амьсгаа давчдуулсан учрал тохиолоор дүүрэн амьдралыг бий болгож өгчээ. Эдвард Калленд цаглашгүй их хайраа өгч, түүндээ өөрийн мэдэлгүй тэмүүлэх ч хувь тавилангийн эрхээр хүн чоно Жейкоб Блейкээс салж чадахгүй салаа замын нэгийг сонгохоосоо өмнө тачаал, хоосрол, тэмцэл буцалсан цөөнгүй жилийг тэр үдсэн. Мөнх амьдралын нууцлаг, харанхуй ертөнцийн босгыг алхах уу, хорвоогийн жамыг дагаж хүн ёсоор амьдрах уу гэсэн энэ хоёрхон сонголт нь аль аль омгийнхны хувь заяаг шийдэх асуудал болоод байгаа юм. Харин Белла шийдвэрээ гаргажээ. Тэр даруй түүнээс нь үүдэлтэй тааж боломгүй хачирхалтай үйл явдлууд цуварч, бүхнийг сүйрүүлж ч мэдэх үр дагаварууд зөн совинд орж эхэлнэ.