Монголын зохиогч, түүхий ухааны доктор Д.Майдарын ээлжит энэ ном бол Чингис хааны тухай, XIII-XIY зууны Монголын их гүрний тухай эрдэм шинжилгээний бүтээл юм. Зохиогч номдоо Чингис хааны Тэмүүжин нэртэй явсан идэр залуу насных нь амьдрал, овог аймаг, улс үндэстнийг нэгтгэх, энэ үндсэн дээр Монголын нэгдсэн төрийг байгуулахын төлөө түүний явуулсан тэмцлийн тухай зураглан дүрсэлж, Чингис хааны Хятад, Дундад Ази болон бусад орон руу хийсэн аян дайн, түүний захиа гэрээсийн тухай, тэрчлэн Чингис хааныг өнөө үеэс гадаадын эрдэмтэн, зохиолч, төрийн зүтгэлтэн нар хэрхэн үзэж буйг тодорхой өгүүлжээ. Чингис хаан түүний залгамжлагчид зуун мянгахан морьт цэрэгтэй байсан авч Номхон далайгаас Дорнод Европ хүртэлх өргөн уудам нутагт суурьших олон сая хүн амтай дэлхийн дөч гаруй улс орныг түрэн эзэлж, бохируулан захирч, монголын их гүрнийг байгуулсан билээ. Энэ бүхний тухай болон Их гүрний уналтын тухай зохиогч бүтээлдээ маш хураангуй боловч сонирхолтой өгүүлжээ.