Амьдрал бол бүрхэг хийсвэр үйл явц биш ээ. Тэр нь тодорхой анги бүлэг хүмүүсийн ажил үйлс харилцаанд жам ёс нь илэрдэг тодорхой үйл явц. Тэгэхлээр бодит байдлыг бүрхэгдүүлбэл амьдрал үнэн хоёр, онол практик хоёр зөрж, хүмүүст эрдэм ухаан өгөх нь ч байтугай төөрүүлсэн билээ. Ер нь сэтгэл шинэтгэх *шүншиггүй ном ном биш ээ. Ингэхлээр ойлголт төсөөллийн агуулгагүй сэтгэл зүй, сэтгэл зүйн механизмгүй оюун санааны ертөнц, тэр тусмаа үзэл санааны үндэсгүй сэтгэл хөдлөл, сэтгэл хөдлөлийн, өнгө аясгүй үзэл санааны тухай өгүүлдэг хуучин загвараас гарахыг оролдов. *Онол* гэдгээр амьдралаас хэт тасарч хийсвэрлэхгүйг хичээв. Хүний дотоод ертөнц-санаа бодол болж хувирсан амьдралын мөр билээ гэж үзэл санаа, хүсэл зоригийг сайн муу, сайхан муухайтай нь харуулахыг зорьжээ. Ингэхлээр энэ ном нийгэм, бие хүний оюун санааны ертөнцийг ойлгох,санаа сэтгэлээ шинжиж, шинэчлэхэд нь туслах зорилго агуулжээ.