Монголын *Хүүхэд залуучуудын нэвтэрхий толь* гурван ботиос бүрджээ. *Миний эх орон-Монгол* гэдэг нэгдүгээр ботид Аугаа их Октябрийн социалист хувьсгалын шууд нөлөөгөөр Монгол оронд ардын хувьсгал ялан мандаж, монголын ард түмэн МАХН-ынхаа мэргэн жолоодлогоор суут Лениний сургаалыг хэрэгжүүлэн, социализмын материал техникийн бааз амжилттай байгуулж байгаа тухай, түүнчлэн манай орны түүх, газарзүй, алдар цуутай хүмүүсийн тухай танилцуулжээ.
2-р ботид нь Монгол-зөвлөлтийн ард түмний найрамдал, хамтын ажиллагааг тал бүрээс нь тусган харуулж, чухал холбогдох түүхэн баримт, фото зураг, бусад зураг чимэглэлээр баяжуулан, найрамдлын он дараалал, ЗХУ-аас БНМАУ-д барьж байгуулсан барилга байгууламж, сэдвийн дагуу унших номын жагсаалт, ЗХУ-ын түүхэнд холбогдох чухал он цаг зэрэг лавлах материалыг хавсаргажээ.
3-р ботид нь 200 гаруй улс орон, газар нутаг, 500 шахам алдар суутны намтар түүх оржээ.